Şu dabaraly günlerde, Berkarar döwletiň täze eýýamynyň Galkynyşy döwrüniň belent ruhyna laýyklykda, Türkmenistanyň Deňiz we derýa ulaglary döwlet gullugynyň Türkmenbaşy şäherindäki Deňizçilik orta hünär okuw mekdebinde nobatdaky uçurymlara hünär dünýasine ugratmak dabarasy uly ruhybelentlik bilen geçirildi. Mawy şäheriň iň görnükli bilim ojaklarynyň biri bolan bu mekdepde geçirilen çäre ýaşlaryň durmuşynda iň ýatda galyjy taryhy günleriň birine öwrüldi. Dabara dabaraly we şowhunly ýagdaýda başlandy mekdebiň howlusy baýramçylyk lybasyna bürenip, aýdym-sazlar we gutlag sözleri belentden ýaňlandy dabara diňe bir uçurymlar we mugallymlar däl, eýsem talyplaryň ata-eneleri hem gatnaşdy. Uçurymlar özleriniň ak we mawy reňkli deňizçilik lybaslarynda nyzama durup, Watana, halka we saýlap alan hünärlerine bolan wepalylygyny görkezdiler. Çärede çykyş eden bilim ojagynyň ýolbaşçylary we halypa mugallymlar ýaş hünärmenleriň gaty jogapkärli, şeýle-de gaty merdana käriň eýeleri bolup ýetişendiklerini buýsanç bilen bellediler. Ýaşlara:

"Garașsyz baky Bitarap Türkmenistan-bedew batly at myradyñ mekany" ýylynda türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň, Arkadagly Gahryman Serdarymyzyň öwüt- ündewleri we gymmatly maslahatlary esasynda ýurdumyzda ýaşlaryñ sazlaşykly ösüşi, olaryň jemgyýetimizde eýeleýän ornuny pugtalandyrmak boýunça alnyp barylýan işler, öñde goýlan wezipeler, seýle hem ýaşlaryň arasynda türkmeniñ döwIetlilik ýörelgelerini, milliligimizi, däp-dessurlarymyzy, sagdyn-durmuş yörelgelerini, maşgala gymmatlygyny giñden wagyz etmek maksady bilen Zenanlar guramasynyñ Turkmenbaşy şaher birleşmesi bilen bilelikde Türkmenbaşy şaherindäki Deñizçilik orta hünär okuw mekdebiniñ talyp gelin-gyzlarynyñ gatnaşmagynda wagyz-nesihat duşuşygy geçirildi.

Berkarar döwletiň täze eýýamynyň Galkynyşy döwründe, aprel aýynyň ýurdumyzda Saglyk aýy diýlip yglan edilmegi ýaş nesilleriň ruhuny belende göterýär. Şunuň bilen baglylykda, aprel aýynyň 02-sine Hazar deňziniň merjen dänesi bolan “Awaza” milli syýahatçylyk zolagynda Türkmenbaşy şäherindäki Deňizçilik orta hünär okuw mekdebiniň guramagynda sport çäresi geçirildi. Çäräniň dowamynda talyplaryň aýratyn işjeňligi we buýsançly çykyşlary hemmeleriň ünsüni çekdi. Sport çäresi ir bilen deňiz kenarynyň tämiz howasynda köpçülikleýin maşklar bilen başlandy. Talyplar öz halypa mugallymlary bilen bilelikde, sazlaşykly saz astynda bedeni taplaýan döwrebap gimnastik maşklary uly ruhubelentlik bilen ýerine ýetirdiler. Ýaşlaryň her bir hereketinde sagdyn durmuş ýörelgesine bolan söýgi we öz mekdebine bolan guwanç duýuldy. Bedenterbiýe maşklaryndan soňra, çäräniň iň täsirli pursady bolan welosiped ýörişine badalga berildi. Awazanyň gözel binalarynyň ýanyndan geçýän ýodalarda talyplar uly joşgun bilen welosiped sürdüler. Bu ýöriş diňe bir sport çäresi däl, eýsem ýaşlaryň agzybirliginiň we sagdyn geljege bolan ynamynyň dabaralanmasyna öwrüldi. Gatnaşyjylaryň ýüzlerindäki şatlyk we kalplaryndaky buýsanç çäräniň ähmiýetini has-da artdyrdy. Aprel aýynyň sagdynlyk ruhy bilen utgaşan bu ajaýyp gün, talyplar üçin hakyky bagtyýarlyk baýramy boldy. Şeýle döwrebap şertleri we bagtyýar ýaşlygy peşgeş beren Gahryman Arkadagymyza hem-de Arkadagly Gahryman Serdarymyza mugallymlaryň we talyplaryň minnetdarlygy çäksizdir.